Kidung Pasamuan Kristen

275. PUNAPA DOSANIPUN GUSTI YESUS

 1. Dhuh Yesus Gusti, punapa dosanta, nadyan Ma­ suci nging sinalib seda ?

krana sih tresna Paduka mring kula, Gusti toh nyawa.

2. Dhuh Ratuning rat, punapa sebabnya makuthanta ri sinami durjana ?

mrih salir umat rinoban sih rahmat. luwar sing laknat.

3. Dhuh Imam Agung margine punapa sriranta suwung dados kurban nyata ?

mrih sagung titah dados putreng Allah luber ing berkah.

4. Dhuh Nabi Yekti napa ndika klentu? de katrap pati krana seksi palsu

wit nebus jalma sing kwasaning dosa mrih gesang nyata.

276. YESUS, GUSTI WUNGU SING PATI

 1. Pepadhanging bumi wiwit nelahi ing dinten minggu adi

pageger muwuhi kuwuring ati tyang Yerusalem nagri

wit kuburing Yesus menga layonnya ilang musna

Yesus yeku Gusti wungu sing pati dadya juru basuki

Reff :

Wartakna Injilnya kang mbabar tentrem raharja

wujudna sih tresna  srana tumindak nyata.

2. Tyang remen dursila sung warta dora nglawan bebener nyata,

nging seksining Kristus bingahing driya de antaka tan daya,

siksa krana Gustining rat datan ngendhakken niyat,

wit Gusti prajanji tansah anganthi ngantos dumugeng swargi,

Reff :

3. Pepadhang satuhu nyunari kalbu wit Yesus sampun wungu,

tyang kang pracaya samangkya mardika nir kwasaning antaka,

nglantarken berkahing Allah setya ing kardi tansah,

dadya pepadhang wah sareming bumi mrih kamulyaning Gusti

Reff :

  

277. MULADA KAYUNING LAKNAT

 Minggah ardi Golgota wus lungkrah sriranya,

Yesus kang tanpa dosa sinami durjana

Ilang ajining dhiri, nir pamoring Gusti

Tansah ingewan-ewan, sarta jinemalan

Putreng Allah sejati sinalib ngemasi.

Rahe Yesus kang suci wus nelesi bumi,

nyirnakken sagung dosa, nucekken manungsa

Sang Kristus pegat nyawa, nir kwasaning dosa

Salib kayuning laknat, dyan dados sih rahmat

margi muktining mukti kalis saking pati,

pinuji - puji Allah kang asih mring jagad

Putranya kinurbanken mrih jalma raharja

pinuji - puji Allah kang ngluberken rahmat

tyang kang samya pracaya lulus aneng swarga

Mulada tan kendhat mring kayuning laknat.

278. GUSTI NETEPI JANJI

 1. Taman Getsemane kang sepi, kang dadi sek­si

Sang Kristus nglawan prihing galih wit ajrih klawan sedih

tan ana siji rowang kang ngancani mung godhong garing kang tibeng bumi

mangkya wus tumekaning pesthi,

Gusti netepi jan­ji.

2. Taman Zaitun, taman suci seksi sejati,

riwe lir rahe Gusti mili rentah nelesi bumi,

nadyan ingadhang sangsara wah pati,

mangkya Gusti tan wedi bilai, tuwuk ndedonga trusing ati,

Gusti netepi janji.

3. Tamaning pandonga wus suwung tanpa sabawa,

godhong kembanging taman alum wit aboting sungkawa,

dene kayu kang kudu dadi berkah,

wus malik dadi salibing laknat, nging wus dadi anteping ati,

Gusti netepi janji.

279. KRISTUS SANG PAMARTA, SINALIB

 1. Kristus Sang Pamarta siniksa siniya nulya sinalib ing Golgota,

iblis lincak-lincak, setan surak-surak nganggep kwasaning Kristus suwak,

nging yek­tine Sang Kristus menang, dosa kwasaning iblis ilang

pati, dayaning dosa musna, tyang pracaya gesang sanyata.

2. Kristus Sang Pamarta inganggep durjana sinalib tedhak mring naraka,

tinegakken Rama ngruwat tiyang dosa mbikak margi kang dhateng swarga,

mangkya manungsa rinukunken sagung dosanya ingapunten,

luwar sing kwasaning pepeteng temah gesangnya ayem tentrem.

3. Kristus Sang Pamarta suci wah sampurna sinalib nyulihi tyang dosa,

netepi prajanji wecaning pra nabi mbabarken sih rahmating Gusti,

pulih martabating manungsa dadya putraning Allah Rama,

margining berkah tumrah wrata sagung titah gesang raharja.

280. PAMUJI ING DINTEN MEKRADIPUN GUSTI

1. Swawi sami sung pamuji ing dinten adi niki

Gusti sumengka mring swarga nyawisi papan 

sampurna mring tyang tuhu pracaya.

2. Gusti sumengka mring swarga ngasta pangreh sampurna

ing dinten pungkasan prapta ngadili sagung 

manungsa yogya tansah pinuja.

3. Gusti sumengka mring swarga ing kamulyan Mamulya

nging tyang pracaya kinanthi yeku dening Sang Roh Suci mila kula pepuji

4. Gusti sumengka mring swarga wus rampung pakaryannya

kula ngantya rawuhira srana nekseni lnjilnya ndedonga Ian jumaga.

281. SANG KRISTUS SUMENGKA

 1. Wus rampung wus purna pakaryaning 

Gusti  Sang Kristus sumengka dhateng swargi

mring tyang kang pracaya dhawuhira martosken Injilnya sumrambah­a

Refr.:

Gusti sumengka yeku panjernya gesang sampurna neng Kraton swarga

tyang tuhu pracaya asih bekti ndherek kamulyannya nunggil Gusti.

2. Sang Kristus sumengka mulya neng akherat ngasta pangreh swarga lan jagad rat

mila tyang pracaya aja wedi  mikul salibira ndherek Gusti,

Refr.:

3. Sang Kristus sumengka mring Kraton swargi 

lantaran Roh Suci tansah nganthi

mila tyang pracaya aywa randhat nenuntun tyang dosa mring sih rahmat,

Refr.:

4. Sang Kristus sumengka munggweng 

kraton swargi ngutus tyang pracaya dadya seksi

mbabarken tresnanya mring sesami mrih samya raharja wah basuki,

Refr.:

282. UNDHANGNA SANG KRISTUS JUMENENG RAJA

 1. Kristus Gusti sumengka mring swargi ngutus tyang pracaya dadya seksi

nggih martosken Injil sih rahmat­nya kang nampenana           sinungan begja

Reff :

bra undhang­na Sang Kristus jumeneng Raja kratonira tentrem raharja.

2. Sang Pamarta sumengka mring swarga tyang pracaya dadya lantarannya

mrih Kratoning Allah binabarna dhedhasarira sih welas tresna

Reff :

3. Gusti Kristus sumengka mring swarga ngutus tyang pracaya mbudidaya

sirnanira raos memengsahan wah karukunan kang den gegesang

Reff :

283. PANELANGSA ING RIYADI MEKRADAN

 1. Dhuh Gusti kang wus sumengka kawula nalangsa

nglirwakken dhawuh­ing Gusti nekseni Injil sing          swargi nres­nani sesami

Reff :

dhuh Gusti nggih Sang Pantara mugi mbelani mring kula

mrih manggiha pangaksama wah gesang anyar nyata.

2. Dhuh Gusti kang munggweng swarga kula sestu cuwa

mangu-mangu ing kanyatan yen Gusti nyawisi papan kamulyan kaswargan

Reff :

3. Dhuh Gustining sagung Gusti kula getun yekti

tan mesthi adreng ing manah mbabarken Kratoning Allah mrih Allah sinembah

Reff :

284. ROH SUCI, ROHING KAYEKTEN

 1. Dhuh Roh Suci Roh kayekten maringana kasekten

mrih tyang pracaya nekseni Injil suci sing swargi

sarana tumindak nyata tresna kang trusing driya

temah sagung pepadha sinungan tentrem raharja

tan wonten kasangsaran mung kabegjan sinandhang.

2. Dhuh Roh Suci Rohing Allah mugi nganyarna manah

sarta ngiyatna pracaya mrih kula tansah setya

mbabarken Kratoning Allah adil, bener sumrambah

tan semplah ing kangelan datan ajrih mring pepalang

pasrah mring Sang Pamarta ngandelken pitulungnya.

285. PANYUWUN MRING SANG ROH SUCI

1. Ing dinten gung Pentekosta kula sung pepuja wit Sang

Roh wus nun­tun greja mrih lestantunira

Reff :

Dhuh Roh Suci maringana           kasekten mring kula            mrih martosna Injil suci wradin mring sesami.

2. Dayaning Roh gesang suci katindakna yekti

pasamuwan nunggil tindak rukun wah sumanak

Reff :

3. Rehing Sang Roh gesang anyar muwuha

binabar mrih sadaya pasamuwan nyawiji sabadan

Reff :

4. Gesang ing Roh yeku tresna kawujudna

nyata mrih sestu tentrem raharja sumrambah ing donya,

Reff :

286. PENTEKOSTA

1. Gusti kang satuhu setya sampun paring prajanji

tansah nunggil kagungannya Iantaran Sang Roh Suci,

ing Pentekosta ari, tumedhak Sang Roh Suci.

2. Sanyata wecananing nabi, wit sih mirmaning Gusi,

pra tyang pracaya pinesthi, pinaringan Roh Suci,

ing Pentekosta ari, tumedhak Sang Roh Suci.

3. Salir tyang pracaya yekti, kapenuhan Roh Suci,

sinungan kasekten adi, nekseni Injil suci

ing Pentekosta ari tumedhak Sang Roh Suci.

4. Samangkya ugi binabar, tumedhaking Roh Suci,

tyang pracaya gesang anyar, tresna kang trusing ati,

ing Pentekosta ari, tumedhak Sang Roh Suci.

287. PANYUWUN ING DINTEN PENTEKOSTA

1. Dhuh Sang Roh Suci ngiyatna mrih kula mursid nyata

nggih bekti mring Sang Pa­marta  welas asih pepadha

Reff :

dhuh Gusti Roh Sucinggih andel andel sanyata

tumedhaka jroning ati nganyar­ken gesang kula

Gusti mugi nganyarken gesang kula.

2. Mugi tansah nunggil kula mrih kula tentrem rarja

sarta pepetenging dosa binirata sadaya

3. Mugi ngirid lampah kula. manut pangreh Paduka

nekseni Injil sing swargi nggih sih rahmating Gusti

288. MBANGUN TURUT MRING SANG ROH SUCI

1. Sang Roh Suci Rohing AIlah kang nucekken ma­nah

nuntun pasrah Sang Pamarta sinungan waluya

yen mejahi rehing dosa kanthi trusing driya

manggih gesang nyata wah sampurna aneng swarga

Reff :

Kula samya gung kapotangan wit sihing Pangeran

Yogya gesang mursid yekti manut Sang Roh Suci.

2. Sang Roh Suci Roh Kayekten maringi kasekten

mrih tyang pracaya nekseni sih rahmating Gusti

lamun tansah welas asih mring sagung sesami

ndherek ing kamulyan luhuring Sang Kristus Gusti

Reff :

3. Sang Roh Suci Roh Pepadhang kang nganyarken gesang

nekseni sajroning manah kula putreng Allah

lamun tanggon mikul salib ndherek Sang Pamarta

dadya ahli warising Allah nunggil Sang Putra

Reff :

  

289. NYUWUN PANUNTUNING ROH SUCI

1. Dhuh Gusti Sang Roh Suci mugi rawuh ing ati,

Nganyarna manah kula mrih ing lampah prayoga,

setya bekti mring Gusti, wah asih mring sesami,

wit panuntun Paduka kula gesang sembada.

2. Dhuh Roh Suci, Roh Allah, nggih nyantosakna manah,

lamun karoban sisah, tatag, tanggon, tan semplah,

manggul salib wit Gusti martosken Injil suci,

wit panuntun Paduka, gesang kula sembada.

3. Dhuh Roh Suci, Roh Kristus, nuwuhna manah tutus,

andum berkah kabegjan, tan mawang mring salir tyang,

temah tentrem raharja, sumrambah mring pepadha,

wit panuntun paduka, kula gesang sembada.

  290. PAMUJI WIT SANG ROH SUCI

1. Sumangga pra kanca ngu­lukken kidung puja,

wit sih paIimirma sinungken mring manungsa

dene Sang Roh Suci rawuh jroning ati

nggih nganyarken budi nuntun gesang suci.

2. Sumyaka sru ngidung nggunggung mring Hyang Maagung

maringken Roh Suci reraton jroning ati

nuntun olah tresna mring sagung pepadha

numrahken kraharjan nyirik kekerasan.

3. Memuji tan kendhat wah ngundhangken sih rahmat

Sang Roh Suci uga mbelani tyang pracaya

mrih tan nate semplah nging grengseng makarya

nggih Kratone Allah binabarna nyata.

 291. WIT KWASANING SANG ROH SUCI

1. Sang Roh Suci sung daya  ngasorken panggodha

manah semplah wit sisah sestu dados bingah

tyang rinoban pepeteng sinung padhang lang­geng

mila ayem ing driya tentrem rarja

Reff :

wit kwasaning Sang Roh Suci, gesang yekti

tan­sah begja kalis sing rehing pati.

2. Sang Roh Suci sung kwasa ngasoraken dosa

tyang mursal sarta mblunthah mratobat mring Allah

gesang mursid sayekti nresnani sesami

sarta remen leladi trusing ati

Reff:

 292. PAMUJI ING RIYADI PENTEKOSTA

1. Dhuh Sang Roh Suci kawula sung puji

ing riyadi Pentekosta puniki

Paduka tumedhak lumebet ing driya

mrih kula pracaya Sang Pamarta

Pinujia Allah Sang Rama sarta Sang Putra tuwin Sang Roh Suci.

2. Dhuh Sang Roh Suci kawula sung sembah

Paduka tumedhak nganyarken manah

mrih kula saged gesang Mursid yekti

sarta tansah nekseni Injil suci

Pinujia Allah Sang Rama sarta Sang Putra tuwin Sang Roh Suci.

3 Dhuh Sang Roh Suci kawula sung puja

Paduka kang ngrimati ing pracaya

mrih kula mbabarken tentrem raharja

nggih Kratoning Allah ketitik ngegla

Pinujia Allah Sang Rama sarta Sang Putra tuwin Sang Roh Suci.

293. DHUH ROH SUCI ROHING GESANG

1. Dhuh Roh Suci Rohing gesang

mugi nyagedna mring pasamuwan,

mbabar adil bebener nyata

temah bebrayan tentrem raharja

2. Dhuh Roh Suci Roh pepadhang

mugi nyantosakken pasamuwan

tansah martosken Injil suci

numrahken berkah mring gung sesami

3. Dhuh Roh Suci Roh pambangun

mugi mbereka mring greja sagung

bra ngundhangken Kratoning Allah

kathah pepalang nging datan semplah.

4. Dhuh Roh Suci Roh kanyatan

mugi nggigaha mring pasamuwan

klayan tulus ngurbanken dhiri

mrih pulihira Pirdus ing bumi.

 294. KABABARING ROH SUCI

1. Dhuh Roh suci Rohing katresnan nuntun­a mring kula slaminya

mbabarken sih tresnaning Allah mrih jagad tentrem wah raharja

ngru­kunken tyang kang memengsahan nuntun mring pitobat tyang dosa

nggegesang tyang semplah ing manah dhuh Gus­ti nuntuna mring kula.

2. Dhuh Roh Suci Roh kasunyatan nunggila mring kula slaminya

mbabarken bebenering Allah mrih tobating tyang ambeg siya

labuh labet sepi ing pamrih nglawan panindhes kalayan sih

tan ajrih pepalang rubeda dhuh Gusti nunggila mring kula.

3. Dhuh Roh Suci Roh kaadilan nganthia mring kula slaminya

ambabarken adiling Allah wit dayaning pati wus kalah

ngluwari tyang binanda dosa nguculi jireting duraka

ngayomi tyang ringkih wah papa dhuh Gusti nganthia mring kula.

4. Dhuh Roh Suci nggih witing berkah nglantinga mring kula slaminya

ambabarken Kratoning Allah sumrambah sajagad warata

jagad pulih dadya lir Pirdus wah tyang ngabekti kanthi tulus

rukun Ian Allah myang pepadha dhuh Gusti nglantinga mring kula.

 295. SANG ROH SUCI

1. Sang Roh Suci dedalem ing ati 

nucekken mrih gesang anyar yekti

mung tansah olah katresnan wah gesang 

ing kabingahan Sang Roh Suci dedalem ing ati.

2. Sang Roh Suci dedalem ing driya

 temahan gesang tentrem raharja

sabar sareh paramarta kautamen den 

tengena Sang Roh Suci dedalem ing driya.

3. Sang Roh Suci dedalem ing manah 

temah tyang pracaya setya tansah

andhap asor alus budi saged ngemudheni 

dhiri Sang Roh Suci dedalem ing ati.

4. Sang Roh Suci dedalem ing driya 

pakartining daging den simakna

lampah rusuh sarta jina, hawa nepsu 

sengitana Sang Roh Suci dedalem ing driya.

5. Sang Roh Suci dedalem ing driya 

nyirnakna panyembahing brahala

sihir, sesatron, wah meri, 

pasulayan den tebihi Sang Roh Suci dedalem ing ati.

 296. KRANA ROH SUCI

1. Krana Roh Suci dedalem ing ati kula luwar sing pati

gesang sanyata tentrem raharja mangkya sinungken mring kula

ing wusananira manggih tangining raga

kadya Sang Kristus Gusti kang mulya.

2. Krana Roh Suci kula mursid yekti mbangun turut mring Gusti

gesang sembada unggul ing yuda nglawan kajuligan dosa

ing wusananira tunggil kasampurnannya

klayan Kristus Gusti ing swarga.

3. Krana Roh Suci kula temen ngudi mbucal gesang kang lami

sregep makarya kekah ing karsa mbabarken bebener nyata

ing wusananira ndherek ing kamulyannya

klayan Gusti Kristus aneng swarga.

 297. WIT SANG ROH SUCI

1. Wit Sang Roh Suci kula kasagedna

martosken Injil adi Kraton swarga

wit Sang Roh Suci kula sinung daya

nekseni Yesus Gusti Sang Pamarta.

2. Wit Sang Roh Suci kula wicaksana

wijang njlentrehken sabda karseng Allah

wit Sang Roh Suci kawula-sembada

mbabarken gesang yekti mursid tansah.

3. Wit Sang Roh Suci kula tatag tansah

ing sangsara bilai datan semplah

wit Sang Roh Suci kula tan suwala

jroning kinaniaya tetep setya.

 298. PRAYOGINING BRAYAT KANG RUKUN

1. Sanyata prayogi wah endah mulya

tyang sagriya rukun pitepangannya,

ngreronce katresnan yekti berkahing Allah tansah ngerobi

lir embun enjing kang anyrambahi, mung kraharjan kang pinanggya.

2. Brayat kang tut rukun ing pitepangan,

lir pra imam kang piniji Pangeran,

nglantarken berkahing Gusti, saya wetah samya tunggal ati,

tansah kekah wah malih lestari, gesang langgeng pandumannya.

299. KABEGJANING BRAYAT

1. Gusti Allah ingkang Ma’asih wit saking sih rahmatipun

sampun nimbaIi tyang kekalih gesang tansah atut rukun,

tan prayoga lamun ngantos pisah wit saking wangkoting ma            nah

nging kekalihnya tunggal ati lung tinulung gesang suci,

Reff :

Brayat begja wit tinunggil AIlah Sang Rama,

 Sang Putra wah Sang Roh Suci.

2. Gusti wus nitahken manungsa nulad citra pasemonnya,

jalu wanita kekalihnya sesami rowang sembada,

kinen tansah sami memitran mrih mekar jatining gesang,

tansah dados margining berkah mring brayat wah mring tyang kathah,

Reff :

3. Gusti mberkahi tyang ningkahan nimbali gung kulawarga,

dados sakaning pasamuwan temah tuwuh Ian ngrembaka,

brayat tansah sinungan raharja wit misungsungken gesangnya,

mrih rawuhing kratoning Allah tentrem rahayu sumrambah,

Reff :